भिवंडी : लोकशाहीचे महत्त्व घराघरात पोहोचविण्यासाठी भिवंडी तालुक्यातील पडघा ग्रामपंचायतीच्या सभागृहात लोकशाही उत्सव साजरा करण्यात आला.
या वेळी प्रमुख मार्गदर्शन म्हणून स्त्री मुक्ती संघटनेच्या सोभा कोकितकर, संगीता सराफ, स्वप्नील ठाकूर, बँक ऑफ महाराष्ट्रच्या ऋण व वित्त सल्लागार सविता पावसकर, महिला आर्थिक विकास महामंडळाच्या विद्या गायकवाड उपस्थित होत्या. या पसंगी भरारी लोक संचालित साधन केंद्र पडघा व महिला बचत गटाच्या महिला, तसेच गावातील महिलांची मोठ्या संख्येने उपस्थिती होती.
संविधान, महिलांचे अधिकार, समस्या, आर्थिक विकास यावर प्रमुख वक्त्यांची महिलांशी संवाद साधत लोकशाहीचे महत्त्व सांगितले. महिला आज भारतीय संविधानामुळे सुरक्षित आहेत म्हणून तुम्ही-आम्ही स्वाभिमामाने सामाजात जगत आहोत. लोकशाहीत महिलांना पुरुषाच्या बरोबरीचे स्थान मिळवून दिल्याचे प्रमुख वक्त्यांनी सांगितले.
मिलिंद जाधव यांनी सूत्रसंचालन केले. लोकशाही उत्सव समितीचे कमलेश जाधव यांनी आभार मानले.
